Vinje kommune har vedteke at det offisielle skriftspråket i kommunen skal vera nynorsk. Alle tilsette og alle kommunale organ pliktar å nytte nynorsk skriftspråk i tenesta. I tillegg ynskjer kommunen å kommunisere med eit klart og tydeleg språk for brukarane.
§ 9 Klart språk - Offentlege organ skal kommunisere på eit klart og korrekt språk som er tilpassa målgruppa. Lova vart gjeldande frå 01. januar 2022.
I målbruksplanen står det at kommunen skal i hovudsak nytte ei konsekvent språklinje, og me bør i utgangspunktet halde oss innanfor læreboknormalen eller godkjent nynorsk. Der det finst valfrie former, bør me velje den forma som ligg nærast vinje-dialekten.
I kommunen skal desse formene nyttast:
Kløyvd infinitiv eller e-infinitiv, me, skule, fyrst, då, no, ynskje.
